المشاكل وسبب الخصاص للقطاع الكبلاج
حيت "فايت لي خدمت" وعارف شنو واقع.
كنشوف بزاف ديال الناس كيهدرو على الفيديو ديال العمال. وأنا كواحد *فايت لي خدمت فالكبلاج* و عارف شنو واقع، بغيت نقول كلمتي.
*1. صالير 0*
العامل كيخدم 12 ساعة و فالآخر كيعطيوه 100 درهم ولا والو. "الاسبوع الجاي".
حنا عارفين هاد الهضرة. كيخدمو بنادم بالكريدي.
*2. توقيت 0*
لا توقيت لا قانون الشغل.
من 7 ديال الصباح حتى لليل. وإلا هضرتي يقولك "إلى ما عجبكش كاين اللي يخدم بلاصتك".
*3. الاحترام 0 و الكبلاج*
وهنا فين وصلنا للقاع.
جابو العمال يشتاكيو، ومن بعد جابو شي "كبلاي" آخر دبلا عليهم.
أخوتي أنا خدمت فالدومين وعارف: *الكبلاج ماشي ساهل*. خاصو صوت نقي و إحساس.
ولكن مني كتستعملو باش تمسح صوت مول المعاناة الحقيقية، راك كتقتل القضية كاملة.
العامل من حقو الناس تسمع النفس ديالو، التعبير ديالو، حتى الغلطة ديالو فالهضرة.
حيت هاديك هي الحقيقة. ماشي نجيبو واحد فالستوديو و نقولو "عودها بحالو".
*الخلاصة من واحد كان ثم*
خدام بلا فلوس، بلا توقيت، ودابا بلا صوت حتى هو.
إلى بغيتو دافعو على العمال، عطيوهم الميكروفون و سكتو. خليوهم هما يهضرو.
*حشومة. كفى من الاستهتار.*
من_الميدان #صالير_0 #توقيت_0 #احترام_0 #لا_للكبلاج
انا خدمت فالكبلاج وعارف المعاناة.
السؤال: شنو الحل فالرأي ديالكم؟
واش نزيدو نضغطو باش يهضرو العمال ولا كاين حل آخر؟
خليو الرأي ديالكم 👇
تعليقات
إرسال تعليق