10أماكن رخيصة فالمغرب تقدر تمشي ليها فالعطلة

باغي تخرج وتبدل الجو ولكن الميزانية محدودة؟ ماشي مشكل. المغرب عامر بلايص زوين ورخيصين. ها هما 10 اماكن تقدر تمشي ليها وما يضربكش جيبك:

*1. شفشاون*  

المدينة الزرقاء. التصاور باطل والراحة باطل. غير كراء بيت صغير وصافي.

*2. إفران*  

"سويسرا ديال المغرب". فالصيف الجو زوين بزاف وماشي غالي بحال مدن اخرين.

*3. مرزوكة*  

الخيام فالصحراء. ب 200 درهم كدوز ليلة مع العشا والفطور وركوب الجمل والشطيح.

*4. تامري - اكادير*  

بلاصة السورف. رخيصة على اكادير وبنفس البحر الزوين.

*5. سيدي حرازم - فاس*  

العين سخونة. الدخول رخيص والراحة كبيرة للعظام.

*6. الرباط - كورنيش*  

تمشية، بحر، قهوة. كلشي بلا فلوس. غير جيب صحابك.

*7. اوزود*  

الشلالات. المنظر بوحدو يستاهل الطريق والتصاور.

*8. الحوز - قريب من مراكش*  

الجبال والطبيعة. تهرب من سخونية مراكش فالصيف.

*9. الجديدة*  

مدينة هادئة ورخيصة على الصويرة. البحر والنقا.

*10. دارك*  

اييه. جمع صحابك ديرو عشا وشعلو الموسيقى. احسن عطلة وبلا درهم.

*فين مشيتي من هادو؟ وشنو البلاصة الرخيصة اللي كتعجبك نتا؟ قولها لينا فالتعاليق

 `